新樂餐廳

有個舊同事走, 所以去左新樂聚餐

妙景一, 我地幾代同事還在這個圈, 這個聚餐頗有意思

入正題

妙景二, 有個同事, 又想食大餐, 又想俾我地笑, 前前後後叫餐前玩左兩次１５／１６, 又想食串燒, 又想食羊扒 <== 我都係擇羊扒, 正野來架, 但隻扇貝就...

妙景三, 新樂酒店十樓係半自助餐, 話說佢D主菜, 逢牛(牛扒 + 牛柳)必失水準, 加多2成熟

妙景四, 差不多一人一份格式餅, 因為真係最好食

妙景五, 話說有餐茶, 我地以為係Order, 問左待應先發現, 原來係自己拎, 成枱七個人, 有五個企起身一齊拎, 我仲落左Lemon加左奶, 可以見現場混亂

其實西餐(主菜), 配自助前菜, 水果, 甜品, 湯, 意粉... 都算係咁啦

每人埋單一百元, 環境同地點又算係咁啦

不太狂歡, 但尚算不錯, 不過, 都係唔會有第二次.. 呵呵

新樂餐廳
Shamrock Restaurant

地址 : 尖沙咀彌敦道223號新樂酒店10樓
電話 : 2735-2271

萬豪咖啡室

又到老友生日, 目標係食海鮮, 經過評選, 原本第一選擇是州際, 可借早一週前訂位, 仍然爆滿, 後選九龍香格里拉或港島萬豪, 最後專家級鑒別下, 選擇萬豪玩豪下, 每位DINNER $350
是 日大蛇生豪12隻, 小龍蝦也是不可錯過, 長腳蟹稍咸, 不含雞精湯3碗, 不可不提的磨茹肉質感極厚的忌廉湯, 薄切燒牛肉也不錯, 吃了四款芝士, 壽司可以不吃, 其他熱食也有相當多精品. 重點是精緻甜品, 芝士蛋糕有芒果, 草苺, 朱古力, 芝士餅一樣一件, 再加3杯甜品, 1碟水果... 呵呵呵
老友的配搭也不差, 重點在雪糕8球. 勁!!!
還有, 送上七封利是, 滿意滿足的一晚.

萬豪咖啡室
JW Marriott Hotel Marriott's Cafe

地址 : 中環金鐘道88號太古廣場香港萬豪酒店
電話 : 2810-8366

大漠

舖頭裝飾唔係十分之新彊味道, 只係在openrice內得知此店係食新彊菜. 2個人叫左個乳酪皇帝菜, 燒羊鞍及香蔥薄餅. 樣樣都做得好出色, 特別係個羊鞍. 簡直可以同大酒店媲美, 燒得剛好又唔會過熟又能保持肉汁仲要燒到個外皮鬆胞香口 - 食2塊都唔夠. 跟住個皇帝菜有d似西洋菜, 不過佢地炒得好好味同d乳酪好match. 烤餅有d似蔥油餅可以話係成晚3樣野之中最無特色. 老友已經諗到下星期再來既時候要食d咩菜式了.

地址: 土瓜灣北帝街 27號 C地下
電話: 2714 4483

三上日本料理

星期六晚各自陪家人食飯.佢同家人去左三上食野...4個人叫左馬糞海膽-唔係太好食亦唔值咁既價(此終都係覺得三上既三文魚及甜蝦比其他刺身做特出色,所以去三上可以不用試其他刺身)
一磅三文魚-仍然鮮甜
什錦刺身套餐-刺身一般啦...無咩特別
牛油炒什菌-好香牛油味,又大碟正正
龍蝦粥-真係俾足2斤既龍蝦煮粥,四個人都係食左半鍋.當然用d粥更係鮮甜啦.
仲有一樣唔知咩魚名既活魚刺身-無咩味,可能係淡水魚既關係.
四個人食左$700多...

地址 : 深水步青山道3-5號地舖
電話 : 2776 6992

阿拉丁咖喱屋

這間餐廳發現已久，因為它是繁星之中的繁星。在繁囂的銅鑼灣街道上，忙碌的紅綠燈前駐足時，抬頭一看，就發現這間燈光如星的店。只是由於銅鑼灣有我至愛的峰壽司，也有令我回味無窮的伊勢... 簡言之，就是太多太多的選擇。今天晚上，慶幸老友興隨而至，才可以品嚐一番。

到阿拉丁咖喱屋，首先碰到的是親切的招呼，一個有彬彬有禮的伯伯，還不足為奇，滿口流利廣東話的印藉哥哥，才讓人更留下深刻印象，最好的服務是什麼，留意以下例證。

1. 話說筆者選定位置坐下後，忙於整理衣履，隨手一弄外套，把餐桌上的叉子掃至地下，府身拾回叉子至桌面，正想要印藉哥哥更換時，他已應聲來替換新叉

2. 點餐時，我們加餐飲青檸梳打，印藉哥哥禮貌的提醒，梳打是沒有味道的，如果愛甜可免費更換雪碧或忌廉，服務不一定是增加什麼實質東西，是告訴你，你真的可以選擇什麼

如果... 此刻服務大使劉德華親臨，或許也已不再重要，重要的是在品嚐美食之前，已吃了一層殷勤入心的服務

話說呢間餐聽提供多種價格不同餐類，由98~158都有，每10元就是一種級別。真正的豐儉由人，這是第者其一個喜歡的特點。
兩 個人選了一個別138的餐，先有炸菜角，再來香料印度雞，然後還有咖哩魚，印度香飯和燒餅。聽起來有點普通，不甚吸引，但二人餐來說，確是足夠。實際上的 口感呢！這就豐富了！甚少吃小食炸物的我，也一口氣吃了兩個小角，菜角中混有小量芝士十分香口，香料雞配以洋及lemon，口感清新，並不油膩。再來是 咖哩魚配燒餅或印度香飯，燒餅是我在香港吃過最好吃的。加上前面提及的青lemon配忌廉，這個晚上的這一餐，竟然能食飽還吃清每一樣東西．．．實在很久 沒有為食物解放褲頭

地址: 銅鑼灣羅素街60號富興大廈2樓(突破書局樓上)
電話: 2808-0250