Le Fauchon

某個星期六晚上，食左一個法國全餐。

附送的小食：細細舊，但好好味

前菜：凍食，蠔２隻、大蜆１隻、凍蝦４隻、螺有大有細好似有５隻（我地係咪食左人全家？）其中蝦較差，其他都好鮮味

熱湯：洋蔥湯，待應好好，仲要幫我地分為兩碗，每碗都有芝士同面包放上面

凍食：青檸雪芭甜品，幫我地清一清口味

主菜：羊膝，好香口，七成熟，有少少血色，但剛好

單點：大蝦意粉

甜品：意大利芝士蛋糕 (Tiramisu)

以上係一個Set Dinner加單點意粉，可以食到我同老友反肚。每人都係＄３００，加上待應服務態度好，偶然豪一豪，真係好開心。

Le Fauchon
地址: 中環蘇豪士丹頓街6號地下
電話: 2526-2136
菜式: 法國菜

靠得住靚粥

晚上因為最近趕工的關係, 順道等到老友放工. 由於兩人的食慾仍低, 去了靠得住食粥才回家. 這裡的粥品確實又要一讚, 叫左個白鱔豬潤粥($45),折骨泥猛粥($22),生菜($10)及一碟炒麵($12). 生菜和炒麵沒什麼特色, 但粥品兩個均極鮮甜, 可惜的是所謂折骨泥猛, 骨還是有的, 並不適合小朋友食用.

靠得住靚粥
地址: 灣仔克街7號地下
電話: 28823268

六國酒店西餐廳

因為要慶祝, 依照往例(不知不覺形成), 我地又食自助餐. 對上一次是貴精不貴多的萬豪, 今次轉移陣地去六國. 先說價錢, 應該係$182(唔知人地記錯定我記錯, 有人寫$184), 包埋加一, 是一個合理的自助餐價.

再來看看如何合理, 有冷盤, 螺, 龍蝦, 長腳蟹, 魚生, 水準一般. 但意料之外的是, 有多款外國沙律很有水準, 材料需不貴, 但處理得好, 將食物特色表現出來, 對愛吃的我絕對是樂事. 唯一問題是冷盤經雪藏凍了一點點, 其實沙律不一定要雪凍的, 雙色茄子, 菇類沙律, 木瓜沙津, 有機菜等等等等等等... 正!!! 冷盤我都少有的吃2碟.

熱食方面選擇不多, 但水準還好, 有提供湯麵食, 我看到一個女孩子, 吃了2碗的樣子. 我個人較欣賞燒牛肉, 中西湯各一款, 面包就不太好吃, 連愛吃的老友都受不了.

最精彩的是甜品區, 竟然有部爆谷機, 我地仲食左兩小碟, 又係我話要加... 好好食架!!! 又有格仔餅同薄餅, 老友試左前者, 加haggan dazn雪糕, 實在好味到唔停得口. 最誇的係, 竟然有六款雪糕, 包括芒果, 椰子, 紅豆, 雲哩嗱, 朱古力同士多啤梨. 還有凍熱飲免費無限量供應.

食物款式不算多, 但位置佳, 人不吵也不會搶, 冷盤同甜品都令我心滿意足, 加上整晚氣氛良好, 老友更食了快有八碟的樣子, 呢餐真係好滿足.

ps. 多謝老友請客~~~ yeah~

六國酒店西餐廳
Le Menu Restaurant
地址: 灣仔告士打道72號六國酒店
電話: 2866-2166

Habibi

Habibi原來有分Cafe及Restanruant，彷埃及設計的是Restanruant門口, 似酒吧的是Cafe。兩間價錢差3~5成，我們打電話訂位時也不知道，是坐下點菜後不久，餐廳問我們到未？老友和我先估可能有兩間，食完出門口睇清楚，可 以說是兩間店，食物,裝修和價錢都有別，但店名相同。

我們身處Cafe，人不算太多，但相反隔離Restanruant就滿坐，兩店均以外國人居多。我和老友的觀感是，Cafe的野食較抵，SetDinner每位$125，包括熱湯一碗，任選前菜冷或熱盤其中一款，主菜任擇一款，甜品一個，非常豐富同飽。

湯～意大利雜菜湯，與西式湯有點相似，但香料較多。
前菜～蕃茄烤羊肉，唔受得蘇唔好叫，但鮮茄汁配合，我個人很喜歡吃。菠菜芝士批，與西式酥餅相似。
主菜～鱸魚鮮味又滑，無骨，加上香料和檸檬汁，實在值得一試。另一個是蕃茄羊肉碎，比較像免治肉，味道雖佳但與前菜相似。特別一提的是埃及"飯"，基本上不像飯，反而像小麥磨成的飯，與飯相比較硬和細粒。
甜品～勁甜，好甜，食一啖會放低叉個種。

氣氛唔錯，未食個埃及菜，不怕香料味，實在不妨一試。

地址: 中環威靈頓街112號至114號地下
電話: 2544-6198

峇里餐廳

說 香港是食物之都才最貼切, 也想像不出來還有什麼地方比香港更多美食, 而且是價廉物美的道地美食. 友人轉職專享受美食, 他介紹在此相聚, 入門滿面的外國人, 還在擔心自己的英文不行. 已經注意到他們的禮貎微笑. 這裡的待應首先會讓你有足夠印度感, 但他們有禮的聽我們說廣東話, 再以英語回覆, 盡顯融匯的舒適感.

談回美食, 四個人, 我們點了頭盤中蝦沙嗲, 以店為名的主菜污糟鴨, 特辣的炒菜, 為了滿腹的蟹肉炒飯. 三男一女來說, 竟然也有八分飽. 中蝦沙嗲炭爐為底, 中間以香茅在竹籤, 香又清甜. 污糟鴨外貎污黑, 所以確實鴨如其名, 但肉質嫩滑加入了不知名的香料, 還有少許伴菜+飯亦頗特別. 菜也同樣加入了印度香料, 小心夠辣. 蟹肉炒飯逢上原隻蟹殼, 蟹肉雖不多, 但絕對有肉入口.

加上裝修別緻, 如果懶得出門想享受峇里風情, 這裡應該是不錯的選擇.

PS> 每人消費約$150

峇里餐廳
dirty duck diner

tel: 2217 8000
香港灣仔駱克道54-62號博匯大廈5樓
5/f, the broadway, 54-62 lockhart road wanchai, hong kong