住家菜

屋企成日無飯開,今日胃口又麻麻,就搵間清清地的菜館,一來照顧下自己個胃,二來重溫下家庭口味.去到住家菜,睇到Menu,忍唔住已經叫左三 送一湯,食野時四圍望,發現其他二人桌食飯都幾乎係咁,不過湯有分煲同碗之分,有D枱就叫2碗湯,有D叫1碗,未來過穩陣D,就叫1碗.

湯-木瓜豬骨湯,幾清甜,碗比飯碗大,差不多可以倒3-4碗,老友飲完都唔覺口喝,我就好似有少少,但都算ok

阿麻雞-招牌菜,說穿了是沙薑雞,但雞滑口,不錯

脆卜蝦-也是招牌菜,這個就值得一讚.少見廚師的細心,開背挑蝦腸,修剪了蝦頭及蝦腳,加上外殼脆有蜜汁,本身蝦也身鮮,口感豐富,我食到蝦頭都碎晒,可見非常開胃

麵豉炒油麥菜-原本想叫的係豆豉鯪魚油麥菜,但我口快快叫炒油麥菜,咁待應就問我地要蒜少定麵豉炒,我地兩個齊齊心,梗係試下麵豉炒啦!不過,老實講,味道不算太濃.

補充事件:
1.服務來講,其實都ok,待應有禮,但收枱都快,不太適宜傾計
2.記得訂桌,可以"優先"安排坐位
3.廁所"好怪"(不是污糟呀!),或者不應談論此點,但我覺得算環境之一,如果不是必要,就不要去
4.菜的份量其實不算多,這也是我們為什麼會叫"三"送一湯,剛好食完,胃好好一點的人,不妨點四"送"一湯
5.我八八卦看隔壁的菜,他們有點三杯雞,無三杯雞特色的香味,也沒有九層塔,免吃
6.細心看餐牌,其實還有驚喜,薑蔥蜆介蒸魚雲,蕃茄蛋白炒蝦...

住家菜的特色是這樣, "酒樓吃飯,但較油膩;茶餐廳,但污糟. 住家菜正是清爽又乾淨, 同時備有很多特色菜色.香港人香港菜,住家菜也這麼多人吃,所以囉...應該還會再去吃吃住家菜

地址 : 銅鑼灣謝斐道460-462號地下
電話 : 31050456