"從前的「鬼屋」，今日以化身為TheBoathouse，怨氣不再，換上親切可人的粉藍色，快去親身體會她的轉變吧！"
==========
以下是大蛇評:
大蛇很喜歡說一句老土話, 「人一世, 物一世, 做得咁辛苦, 都係求一餐o者~」有時食得豪少少, 大家唔好以為我好闊佬, 我的宗旨係物有所值, 就OK.
最近來講, 繼萬豪之後, 另一間推薦的應該是這間「The Boathouse」, 食飯有六分在飯, 但是否食得舒適(三分連服務架!), 環境得戚(一分), 其實多多少少也會影響飯局心情. 「The Boathouse」如果, 你記得訂位, 大概可以滿足另外四分的需求.
食物方面,
頭盤－視覺就已經好有食用，用左英式Tea架的層層叠上海鮮拼盤，白汁熱青口六隻，新鮮又甜，重點是乾淨＋滑口，隔壁有一對夫妻，晚餐就只有各 人吃一桶青口，好味的情況可想而知。串燒帶子也不俗，放在中層。底下是冷盤大蝦,小龍蝦,蜆都唔錯，與青口一樣，無沙已經好難得，反而是煙三文魚卷，口感 需豐富，但個人來說，吃海鮮不在花巧，貴在清甜，所以扣番少少分。
湯－每人一碗蝦清湯，以素菜為主，所以好清，但亦有甜味，不常見於其他店。
主菜－各自點了一個吞拿魚同大蝦，大蝦燒熟剛好，香口又彈牙，相對吞拿魚略嫌失色。
甜品－也是一個小驚喜，由三款甜品組成，可愛在它的外觀，有一個看似外星人，而甜品的口感味道也不錯，加上每人一杯蒸餾咖啡，成個餐食得好舒服。
前面已提過，好的一餐是包括服務，上菜慢慢一道一道上，有充足的享受時間和消化時間，這才叫一餐正常晚飯，投入與感受食物與環境的揉合，埋單要$500。但在煩華的生活中，能有一個地方這樣停留下來，實在值很推介！
電話: 2813-4467
沒有留言:
張貼留言